鐵板一 (裝修中)

講到有氣氛嘅西餐，香港其實真係好多選擇！係咁多間餐廳入面，今次就喺OpenRice度搵咗呢一間BG STEAK & PASTA❤️❤️呢間餐廳雖然地方唔算好大，不過絕對係環境好好！今次叫咗好多唔同嘅嘢食，自己好鍾意嘅就係呢一個巴馬臣芝士薯蓉焗廣島生蠔😍呢個生蠔真係好正，本身我自己好鍾意食生蠔，而且呢個加埋芝士一齊焗！非常香嘅芝士味道，而且呢個生蠔大大隻，仲要係好Juice！口感超級好！另外仲叫咗一份鐵板情深魚扒味，另外同加埋一個初戀鮑魚配香檳牛油汁！就咁聽個名都知道好正！呢個魚扒非常香同埋好滑！而且加埋呢個鮑魚真係冇得輸，呢個鮑魚非常爽口彈牙！如果鍾意食鮑魚嘅我都好建議一試！