Rice Paper (已結業)

回歸記念前夕，果晚約左去NDS版聚，諗住早d去尖咀食飯先。好早去左，六點未夠，成個場都無咩人。入左去個waitress帶我去個邊位，我問可唔可以坐中間d sofa，佢話訂左，我話會好早走，佢check左下就話ok帶我去，服務唔錯。坐左唔夠一陣就開暗燈，六點半左右啦，幾好feel，d裝收又幾有格。因為早，仲有tea 果d餐仔嗌，叫左個拼盤，唔錯，不過沙嗲唔係好夠熱。叫左個燒豬仔骨，超讚，落手食好爽。好天會開埋抬可以坐露天的，真係要去多次試下。