影片
更多
2018-09-10
297 瀏覽
逢星期五晚都喺荃灣食飯。惟獨一枝公，冇乜好揀。荃灣啲餐廳可以屹立不倒or無聲結業，結果食開果間唔聲唔聲執咗。平時行經沙咀道，都見到呢一間新餐廳，今日見冇乜選擇下不如試下新嘢。一入到去，地方都算寬敝，一眼望哂全店都係至少坐到4個人嘅卡位，不過呢個星期五晚得兩三枱客。店員超主動上前招呼我，還推介我及其他食客點「梅菜扣肉」和「套餐」。最後睇哂成本餐牌，都係諗住食得清少少，於是就叫呢個「有點騰雞」……但一睇餐牌，呢個$68嘅「有點騰雞」係單點食品，問返店員原來仲可以跟餐，包前菜、是日沙律、自家製飲品，於是就跟餐……店員入完單，睇返張單先知原來成個餐係$88（積係跟餐要+$20），但又話返比我聽新張期間又有全單9折，價錢有啲混亂。靜心等咗大約15分鐘，成個餐嘅食物上到─店員再溫馨提示話「啲雞係本地活雞、可以試下同其他有咩分別」。首先試咗前菜及是日沙律─醋汁雲耳、胡麻醬田園沙律。呢兩樣食物口感啱啱好，唔太淋唔太硬，而且醬汁唔會過濃。然後再試主菜─拉麵（配麵豉湯底）。不得不讚呢個麵豉湯底，味道非常濃郁、而且不油膩，搞到我忍唔住飲多幾啖；拉麵應該是手打的，不論係拉麵本身嘅粗幼度、還是上菜果時嘅軟硬度都
一入到去，地方都算寬敝，一眼望哂全店都係至少坐到4個人嘅卡位，不過呢個星期五晚得兩三枱客。店員超主動上前招呼我，還推介我及其他食客點「梅菜扣肉」和「套餐」。最後睇哂成本餐牌，都係諗住食得清少少，於是就叫呢個「有點騰雞」……但一睇餐牌，呢個$68嘅「有點騰雞」係單點食品，問返店員原來仲可以跟餐，包前菜、是日沙律、自家製飲品，於是就跟餐……店員入完單，睇返張單先知原來成個餐係$88（積係跟餐要+$20），但又話返比我聽新張期間又有全單9折，價錢有啲混亂。
有點騰雞
$88
26 瀏覽
0 讚好
0 留言
首先試咗前菜及是日沙律─醋汁雲耳、胡麻醬田園沙律。呢兩樣食物口感啱啱好，唔太淋唔太硬，而且醬汁唔會過濃。
然後再試主菜─拉麵（配麵豉湯底）。不得不讚呢個麵豉湯底，味道非常濃郁、而且不油膩，搞到我忍唔住飲多幾啖；拉麵應該是手打的，不論係拉麵本身嘅粗幼度、還是上菜果時嘅軟硬度都剛剛好，麵質細滑。
再試另一樣主菜─鮮浸本地活雞。在店員嘅熱心提示下，我就慢慢細嚼呢一份雞。其實賣相令我扣少少分，眼見實在太多雞油浸係碟、雞是連骨的，變相肉更少。不過雞本身嘅肉質的確嫩滑、廢話講句「食雞真係有雞味」，唔駛點任何嘅醬料已經有好香嘅雞味。個醬汁唔係一般嘅薑蓉、亦唔係沙薑汁，食得出同樣係自家調校嘅醬汁。
最後試埋自家製餐飲─龍眼水。其實我唔太嘗好甜飲、尤其是呢一類糖水，一飲反而飲得出好重嘅片糖味、龍眼本身嘅果糖味唔突出，所以呢杯龍眼水我都係當消暑特飲。
總括嚟講，呢一間餐廳真係幾別出心裁、好有heart為客人提供最好嘅食材；從店員嘅服務、食物嘅味道，亦品嚐到全店由前線員工到後台廚師嘅熱誠。加上環境都寬敝，用埋新開張後嘅9折優惠，埋單係$79，呢個價錢嘅性價比嚟講都合理。但或者地點實在唔夠旺、價錢唔夠平民化，所以晚食時段人流唔多，亦難吸引客人時常光顧吧。
張貼
