Ulyssa by Aldou (已結業)

今晚食好西。一入去呢間餐廳就已經俾浪漫既氣氛震撼。餐廳播放住溫柔既音樂，約會真係好有feel。叫左個燒大啡菇黑松露意飯。真係好大既啡菇係上邊。食左一啖菇，菇入邊既汁爆曬出黎，加埋菇整得出邊有少少乾身，菇既香味更加出黎。呢個啡菇真係超級好味！好驚喜，其實唔需要黑松露已經好特別。黑松露既味道夠，成個意飯好入味，份量啱啱好，真係好俾心機整！原汁原味既南瓜忌廉湯。食到細細既南瓜蓉，口感好。原來呢度既麵包細彼得包。配彼得包飲湯又幾得意。彼得包點黑醋，又係好好味。之後再嘆個靚玫瑰黃金桂茶。好靚既茶壺仔，慢慢品嚐陣玫瑰味，好靚。係一個浪漫餐廳食高質野食，好完美，一流！