Little Tipsy Restaurant & Bar (已結業)

今次呢間係朋友介紹位於觀塘工業區既一間樓上餐廳，環境舒適寧靜，座位間隔寬闊，同三五知己一齊食飯傾計就最好不過。Lunch Set Menu都好多選擇，跟餐既餐湯係雜菜湯，材料豐富，酸酸甜甜好醒胃，加上熱辣辣既法式餐包，唔硬之餘咬落非常鬆軟。大蝦意大利飯配蘋果蓉 $118好大隻既大蝦，肉質鮮甜，意大利飯亦煮得非常好味，軟硬適中，最特別既係加左蘋果蓉令意大利飯有少少清甜既味道，食哂成個飯都唔會有太飽滯感覺。香煎海鱸魚配甘筍汁及田園沙律 $138鱸魚煎得好香，皮脆肉嫩，嫩得滑溜，仲要成塊都係魚肉無骨，啖啖肉已經好滋味，最特別既我覺得係個沙律，除左雜菜，裡面有紅菜頭同蕃薯，有別於一般既沙律，味道清新，配襯鱸魚食簡直一流。