粒粒果甜品 (已結業)

廣華街既甜品鋪林立，好多間都試過，唯獨呢間我未試過。見到menu d 相都幾吸引，一於試下。我地一口氣叫左5個甜品，全部都係好靚既🤩🤩珍寶珠芋圓仙草（古早黑糖）$32起初我會以為呢個甜品好甜，但又估唔到佢甜度適中，i like it. 有好多野可以咬，最岩我呢個中意食煙韌既人！佢既芋圓好多好大粒，食完都有少少飽感。士多啤梨芭菲$42又一吸睛👀甜品，但又唔係得個樣，係好正既甜品！d 脆脆同雪糕仲有水果加埋一齊既味道一流，好match，我真係可以一個人食哂成杯。呢個推介大家點。香芒之戀$48個拉花好可愛啊！呢杯嘢飲超啱打卡！😍最底係健康食品蘭香子（又名明列子），上面係芒果味嘅smoothie ，飲落都幾甜。綠茶窩夫$46叫呢一個係甜品會有一杯茶送，幾好！佢嘅窩夫整到好似心型咁，成個外觀都幾吸引。我最鍾意嘅配料係好煙韌既小丸子，好有咬口。綠茶雪糕🍦都好好味😁😁龍珠星球 $42超靚呀！佢嘅龍珠其實係提子同埋紅肉火龍果啫喱，配椰汁西米、涼粉，仲有椰果、咖啡啫喱粒等，食落好有層次😝整體黎講，呢個甜品鋪完勝！甜品外觀唔止吸引，味道都相當唔錯，價錢合理。呢間係大家試完會再幫襯既鋪頭！