Chill Chill @449 (已搬遷) 新店位置

平時淨係會識得喺市場街的Cafe chill 下，完全唔知道原來市場街一路再行入啲會有條縱橫交錯的打直的西貢大街，這條街原來也有很多小舖，感覺仲更加似希臘小島的巷仔。由於太熱，所以我們見到有一間賣雪糕，又有冷氣嘆吓的甜品舖，就入去坐下，避下暑。一入到去，就已經俾佢個Menu吸引住，雪糕一杯整到非常適合打卡。我就叫了少女芭比粉紅色的雲呢拿及士多啤梨味雪糕上面用了粉紅色的Oreo，又有棉花糖又有美式餅乾，更加驚喜的是雪糕用上movenpick ，平時細細一杯Movenpick都已經好貴。呢一度的雪糕份量真的夠兩人吃哦。雪糕有多重口感，除咗有兩款味道之外，中間仲會有脆脆的粟米片和新鮮的生果，小店真的非常用心，一杯用上了很多層次最後，我們見到佢啲膠樽非常之靚，原來膠樽可以愛嚟夾糖，或者裝佢啲特色飲品，由於天時暑熱，我們決定叫一樽香橙菠蘿汁MockTail。飲落去就像Fruit punch 一樣非常之解渴。