MX (港鐵大學站) (已結業)

係Library溫書溫到好肚餓，但眾志堂又無開，又唔想搭校車上去食野，於是局住去左連鎖美心MX食。七點半左右間鋪都唔算多人，大部分都係學生、大陸遊客、同係大學岩岩放工既職員。好快叫左個金沙四季豆小菜，49蚊，貪佢有碗中湯，可以暖暖肚。睇到實物，原來金沙既意思姐係鹹蛋醬，本身以為連鎖店點都好過學校Can，點知個醬好淡無咩味，配幾塊豬肉片同四季豆，四季豆無去絲之餘亦都好淋，成個餸都好唔開胃。唯一係個中湯好有水準，豬肉蘿蔔湯，都幾多渣，撈埋湯先食得曬d飯。差唔多八點就開始多人，食完就急急腳走啦。