星泰真味 (已結業)

晚餐經過星泰真味，叫左個常餐同埋冬蔭香茅雞翼金邊粉。個常餐黎到，都幾大碟，有兩塊牛油多士、火腿、熟蛋，都幾豐富咁。不過，本身常餐係瑞士雞翼撈出前一丁，但無啦啦同我轉左飯，又唔同我講聲。廢事佢掉，浪費左d食物，就無同佢換，所以就照食。D飯就比較黏，唔好食，就算有汁撈都唔係太好食。瑞士雞翼就無瑞士汁嘅味，只係得滷水味。不過有幾條菜食下，都好d。至於個冬蔭香茅雞翼金邊粉就普通，得個辣味。以咁嘅價錢，係度食得飽就算。