Courage Eighteen (已結業)

好時中心對我同另一半嚟講有特別意義。每次嚟都係食好時沙嗲。今次去開尖沙嘴，搵緊食咩嘅時侯無意中見到呢間小店。所以，今次去好時中心就決定換下新口味。圍住好時中心地下轉咗個圈終於搵到佢。星期日附近嘅食肆都冇開，只有呢間鋪頭傳出淡淡嘅咖啡香。推介俾鍾意咖啡又想搵個地方hea嘅人。Latte咖啡香濃，唔太苦澀，帶有少少酸，整體味道有層次。When Coffee Meets Bagel...有Coffee又點少得Bagel呢。貝果配煙三文魚洋蔥煎蛋Bagel係我嘅All time Favourite。😄Bagel嘅質地做得唔錯，夠chewy。😬中間太濕，如果可以預先焗一焗，令包身乾身啲會更好。夾喺中間嘅煎蛋配煙三文魚味道比較單調，加多啲調味會好啲。燒汁雞柳扁意粉燒汁燴意粉喺Cafe比較少見。😬味道道普普通通，主要都係三色椒嘅味，不過不失。建議可以留肚試其他有特色啲嘅嘢食。