珍珍茶餐廳

營業中

休息中

因工作關係，經常行過呢度，最初以為係大排檔因為成間鋪淨係得厨房， D檯擺晒響行人道，後來發現原來鋪上有閣樓，但係好細又坐得逼，都係坐街舒服D。午市都好多人，擺咗十幾張檯都坐滿。午餐分$22、$25、$28及$30幾大類嘅粉麵飯，全部都話即叫即做，唔包飲品，熱飲加$3、凍飲加$4，叫咗紅燒豆腐飯，個位望住厨房，果然係即叫即做，收到order個厨立即開油鑊，熱辣辣攞出嚟，雖然唔算大碟但都好多料，除咗豆腐仲有肉絲同秀珍菇，炒得有鑊氣又好味，又是一間隱藏響鬧市又唔起眼嘅美食小店。