二八火鍋 (已結業)

疫情放寬後，真係想約班朋友搵個地方聚聚，想飲酒又想大家圍埋熱鬧相聚，圍爐打邊爐就最好不過啦。講起打邊爐，最近就搵到個又有格調又好食夾抵食既好地方，就係二八火鍋啦，試過認真返唔到轉頭。我們6個朋友一起圍爐，二八火鍋最近新開返，成個裝潢十分精神，而且有個靚位有Tiffany blue的感覺，仲適合我們打卡。除左打卡環境，食材認真不得了，一個詞，新鮮。我們首先點了海鮮，有新鮮撈起來的刺身魚同龍蝦，兩個品種都可以一菜兩食，做刺身新鮮到讚不絕口，龍蝦同魚都超級爽口，鮮到不得了，正啊。另外就椒鹽炸，香口又野味，送酒一流，絕啊。食完刺身同前菜，就來個鴛鴦鍋打邊爐，有辣有唔辣，未到恰當好處。而打邊爐重點不是他的湯底，而係菜式配料，呢度有一個菜式必點，就係牛肉，牛小排同封門柳都又新鮮又彈牙，漉一漉好快就食得，而且牛味夠鮮，絕頂的好材料。另外我們都點了好多配菜，例如自家製紙菜響鈴，牛骨髓，鹿兒島黑豚肉，花枝片，還有蔬菜等等，都係靚料新鮮兼衛生，大家烚吓烚吓真係快樂不知時日過，食咁多好嘢，除返開都係幾百蚊一個人頭，真係抵到爛啊，一定會回頭。