玖拾烘焙 (已結業)

因為我好鍾意Bagel，所以之前都專登嚟過，但對我嚟講真係好唔就腳，既然今日去開mikiki，緊係行埋過對面。店面雖小，但麵包的款式唔少，特別見到呢個Bagel櫃就開心，放滿多款口味，真係好有衝動試齊佢地，但嗰胃邊有咁大呀!? 下單處見到貼了翻熱方法，即刻影低佢先。貝果有鹹亦有甜，今次兩鹹一甜，三個都脹卜卜又亮澤，靚仔！翻焗後，口感外脆內柔韌，好有嚼勁，好實在，正！台式芋泥鹹蛋肉鬆（$36）內饀豐富，芋泥粉綿香甜，配上鹹香的鹹蛋黃和肉鬆，三款材料係最佳拍擋，勁鍾意！另一個係泡菜芝士辣雞（$36），泡菜加辣雞火辣辣！包表舗滿金黃的芝士，內饀雞粒幾嫩，全個鹹香帶辣，好惹味，越食越滋味！甜味有好多選擇，要咗個焙茶花生（$29），內有花生醬和花生粒，啖啖花生香甜，同味道甘苦的焙茶好夾，全個唔會太甜。