薄餅型 (已結業)

今日經過間油麻地pizza外賣店，見到好抵食，一於買個二人餐返屋企食先😳 $169 就有一個大pizza、肉醬意粉/蘑菇飯、兩件炸雞、兩罐飲品。除咗二人餐之外仲有其他抵食套餐，聚會嗰陣可以考慮吓。

薄餅方面選擇有好多，有夏威夷、鮮蝦海鮮、辣肉腸、芝士控、肉食主義者、素食主義者。我咁為食梗係要肉食主義者😳返到嚟個Pizza好大件，薄底比較薄，就算食幾件都唔會飽得滯，配料都好多辣肉腸、豬肉腸、火腿等等。

炸雞方面比較特別，有得揀唔同口味，椒鹽、海苔、辣味等等，揀咗海苔超好食😳同埋啲炸雞應該係啱啱炸完冇幾耐，拎到返屋企都仲係熱辣辣脆卜卜。最後仲有個肉醬意粉超級大兜，應該起碼夠三個人食，而且蕃茄肉醬份量都唔少，整體感覺都好好！