馬辣台式鴛鴦火鍋 (大鴻輝(荃灣)中心) (已結業)

尋日約埋幾個老友去咗大鴻輝試咗呢間馬辣鴛鴦火鍋， 真係覺得幾抵食， 同埋水準都唔錯！我哋七點鐘上到去已經人山人海，好彩早嚟一步都唔需要等太耐 ， 我們先點了一個鴛鴦湯底分別係台式麻辣(小辣)及 芫茜皮蛋湯， 有辣有唔辣真係各有各喜歡！話明係任食，梗係叫番啲回本首選啦，美國頂級牛梅花， 無骨牛小排，安格斯黑牛， 各款牛肉色澤光亮，入口肉質豐富，我哋牛魔王一族真係食完又點食完又點， 抵曬！仲有海生蝦，好大隻，好新鮮，好爽甜！靚鯇魚片亦令我們回味無窮！以上嘅回本必點食材之外， 呢度仲比其他任食火鍋多了一些甜品， 包括有即做芒果班戟 ， 鮮奶蛋白布甸， 香濃咖啡奶凍， 芥末鮮蝦沙律…… 最正就係有多款dreyer's雪糕， 款式多多 所以呢度真係適合一大班朋友各有喜好，飲品選擇很多，仲有啤酒任飲添！