宏富雲南米線 (已結業)

調景嶺彩明街市真心係一個好地方，抵食既選擇較為多。今日做完gym想食啲野就去左食米線。所有粉麵平均都係三十幾蚊，仲包野飲。亦係一間較容易搵到健康選擇既地方。男朋友叫左雞扒米線，仲要左麻辣。講真佢既麻辣就無乜料到架喇，唔會話係好正既麻辣。不過有啲啲味吊下癮都係好既。我要左個好健康既清湯底兩餸米線，要左雞肉同蘿蔔。雞肉同米線既量都算多，所以女仔黎講都夠飽肚。清湯堅係清既，所以絕對係做完gym既良品呀。