萬寶素食館 (已結業)

今晚我們去咗何文田窩打老道嘅「萬寶素食館」食晚飯！我們叫咗素魚生刺身、紫菜豆腐素魚丸湯、咕嚕肉素蝦碌、豉汁素鰻魚豆腐煲同豉汁素倉魚！素魚生刺身係用蒟蒻做，口感好爽滑彈牙，味道都幾似真魚生嘅感覺！紫菜豆腐素魚丸湯嘅湯底味道好清甜，素魚丸一咬落去就覺得我食緊真魚丸嗎？口感同味道同真魚丸無乜分別，口感好爽口彈牙，味道好鮮甜！咕嚕肉素蝦碌嘅素蝦碌好煙韌彈牙，素咕嚕肉嘅肉質好鬆軟，好似食緊真嘅咕嚕肉咁！豉汁素鰻魚豆腐煲嘅素鰻魚肉質好彈牙，豆腐亦好嫩滑，而且份量相當多！豉汁素倉魚係將啲素魚肉堆砌成一條魚嘅形狀，賣相都幾精緻，而肉質就相當軟熟！另外！有新鮮生果同糖水可供免費任食！真係好抵食！