韓日燒 (已結業)

間唔中都會突然好肚餓想食任食嘅餐廳，見到韓日燒呢到午餐好平，有任食烤肉、甜品、韓式醃菜、壽司等等，好抵食。我見好多人話佢係名將總店，好伏，但我自己覺得呢個價錢好實惠，價錢相對水準非常合理，特別係烤肉，感覺同貴一倍的韓燒餐廳，來貨一樣。烤肉方面款式好多，豬、牛、雞、內臟、丸、蔬菜，真係好多款，而且經過醃製，味道真係幾好食。除此之外仲有碗仔翅、炸物，水準都非常正常。烤爐用了一段時間，底部的牛油紙會燒焦，需要搵職員更換，職員都10分有禮貌幫忙。壽司方面，因為是迴轉壽司所以壽司感覺擺放咗好耐，都冇人食。由於不太吸引所以冇咩點食壽司，腐皮壽司係我好鍾意食嘅，所以每次黎都會食返幾件，甜甜酸酸正常水準幾好食😊總之呢個價錢$100左右食到咁多嘢，我真心覺得好抵。