Sweetology (已結業)

放假一天，約咗家姐去睇早場，日本小品劇—解憂雜貨店，劇情感人,有深度的好戲一齣！跟住要搵嘢食醫肚，家姐提議去食呢間sweetology，佢話想去呢間係因為食完午餐之後可以叫甜品。 我好耐之前食過，印象一般，但家姐堅持話佢個松餅甜品好食，今次果然令我印象大改，挽回不少分數。先叫咗兩客意粉，一個黑松露雜菌意粉，另一個系拿破崙雞扒長通粉，仲貪心加錢配了兩盒小食，一份雞翼同蒜蓉多士。上菜時先來了兩客小小的鮮果盒醒醒胃，然後先上主菜，個松露意粉好香，而且裡面有幾款菇，意粉軟硬適中。另一個拿破崙雞扒長通粉，個汁好好味，雞扒分量十足 ，全碟食曬！跟住我哋就叫咗一客栗頭忌廉松餅配雪糕，果然家姐冇介紹錯，松餅輕飄飄軟綿綿好好味！