影片
更多
2009-09-04
19 瀏覽
大家好!!今日第一次寫食評,我會在soho家渡假2至3日,原諒我假手於人,全文係我講,soho打,soho按:今日傍晚soho打比我話: 『我係地鐵接到"御宮"宣傳單張,夜晚9:00後好多食品$10元咋,我好想試....呢!你記5記得....上次深水埗元州街果間呢....』我記得,反正soho咁想試,都無妨!!我地今次甫坐下,已見座位九成滿,soho急不及待叫了....赤貝刺身 三文魚刺身 甘蝦刺身 清酒 金菇牛肉卷 燒三文魚頭 soho話上次食過好果D,今次一定要叫...我對刺身興趣只是一般,soho是十分享受的見她興致孛孛,我亦不好掃她興赤貝刺身 -- 很爽,但不比上次出色soho按: 三文魚刺身 -- 很鮮甜,這次比上一次的三文魚出色甘蝦刺身 -- 蝦很有光澤,顏色漂亮,亦很鮮甜金菇牛肉卷 --- 保持水準,好好味soho按:燒三文魚頭 ---- 碎件上,燒得香脆而無黑焦焦,難得..食到呢度,我地睇到掛在場上的得獎相片,細問得獎菜式,『三文魚牛油果沙律』於是我地就同經理billy要了2客,細心的billy說:『先來一客先啦!唔夠再叫!!』(我們才記得之前還點了十多款特價$1
今日第一次寫食評,我會在soho家渡假2至3日,原諒我假手於人,全文係我講,soho打,
soho按:[當然亦加入有我的意見、感受]
今日傍晚soho打比我話:
『我係地鐵接到"御宮"宣傳單張,夜晚9:00後好多食品$10元咋,我好想試....
呢!你記5記得....上次深水埗元州街果間呢....』
我記得,反正soho咁想試,都無妨!!
我地今次甫坐下,已見座位九成滿,soho急不及待叫了....
赤貝刺身 三文魚刺身 甘蝦刺身 清酒 金菇牛肉卷 燒三文魚頭
soho話上次食過好果D,今次一定要叫...
我對刺身興趣只是一般,soho是十分享受的
見她興致孛孛,我亦不好掃她興
赤貝刺身 -- 很爽,但不比上次出色
soho按: [我都係中意食埋赤貝既帶子位多D ^^]
三文魚刺身 -- 很鮮甜,這次比上一次的三文魚出色
甘蝦刺身 -- 蝦很有光澤,顏色漂亮,亦很鮮甜
金菇牛肉卷 --- 保持水準,好好味
soho按:[牛肉好味多汁唔肥,金菇亦很甘甜,我略嫌伴碟沙律小了一點,
因她伴碟的沙律菜絲是新鮮貨,食得落肚既,唔係人地D菜頭菜尾下欄野...]
燒三文魚頭 ---- 碎件上,燒得香脆而無黑焦焦,難得..
食到呢度,我地睇到掛在場上的得獎相片,細問得獎菜式,『三文魚牛油果沙律』
於是我地就同經理billy要了2客,
細心的billy說:『先來一客先啦!唔夠再叫!!』
(我們才記得之前還點了十多款特價$10食品..)
看!!這便是細心,為客人著想!!
有些食店,懶理你食5食得哂,有$比就得,其實咁係好失敗,
師博們;我係你呢度食剩食物、或食到厭、或飽到食唔哂, 除左哂$,亦哂師父心機,
亦令到我地覺得你呢度D野唔係咁好食...
三文魚牛油果沙律$58----食神大獎菜式,面是三文魚,中是牛油果沙律,底是紫心蕃薯...集香軟、幼滑、甘甜於一身...
soho: [我相信如果上面放些"御宮"特制沙律醬會更合我胃口,價錢亦合理,但如果能以$48/$38可以享用到,更令人驚喜]
以下係離哂譜的特價$10蚊壽司和串燒(一客2件)
煙肉溫室車厘茄----一客2串已,每串2件,煙肉香,車厘茄皮脆多汁,在口腔咬下煙肉香車厘茄,立刻爆汁,感覺奇妙好玩又好味..
soho:[一客2串,4塊大煙肉,4粒日本車厘茄,講真,$10蚊,去邊搵,街市都買唔到啦!仲要同你燒埋呢!仲要好味喎!!!平唔一定好味,佢又好好味果下抵死...!
$$10元客點計人工、舖租、成本呢??擺到明賣一串就蝕一串,我諗佢志在吸引人客..不是賺錢]
燒冬菇、燒雞軟骨、燒牛舌、燒京葸雞柳、都好好味,全部好好味,亦係$10,我覺得係呢個海嘯之下,食到咁平而有水準既食品,係好開心!!
海膽軍艦、黃金魷魚、劍魚腩壽司、赤貝壽司---全部$10(一客2件)冇欺場,即叫即整,絕唔係迵轉帶上面賣唔去既貨尾.
soho:[軍艦足料,壽司亦新鮮,略嫌壽司飯大舊.] 我反影意見後,總廚說下次見到我們便整小D飯...
飲飽食醉;同經理講我們想吃甜品..唉..不吃猶自可.吃完之後,soho每天也掛在咀邊[芝麻雪糕]
芝麻雪糕---顏色不算黑,但很香,吃在咀裡,有濃濃的芝麻味還咬到粒粒的芝麻,脆脆的,很討人歡喜..
soho :[有冇搞錯,芝麻雪糕我都食得好多,但咁咁咁咁咁香,真係好少,十多年前在中環士丹頓街的南蠻亭,我愛上他的『蕃薯雪糕』,甚至買回家..
這晚;我重遇這份驚喜..我不停追問總廚gary可以賣些芝麻雪糕給我帶回家嗎??
gary答:『我不大理這些的,你問billy吧!!』我再望向billy.
billy柔柔的答:『買乜鬼丫,你過黎食飯,我請你食仲好啦!!!』
睇下,作為一個飲食從業員or服務行業,他由始至終沒有拒絕也沒有得失你,但又把你留住,又不傷和氣...我莞爾.
尾聲;總廚gary拿來2瓶燉奶∕燉蛋,其實我們已好飽,心想;九大簋都食唔到....嘿!
可可燉奶∕燉蛋$15--- 一D奶羶味都冇,入口香滑,似在soho地庫賣廿多元的小瓶布甸,滑不溜口,清甜
soho: [唔明點解咁滑,每次想試清味道,她已滑進喉嚨,捉都捉不住,我很欣賞呢個甜品,但珠肉在前,我仍非常掛念芝麻雪糕、煙肉溫室車厘茄]
今次消費$440元,是物有所值的,特價$10蚊壽司和串燒更是物超所值...
食平而又好味既野,感覺係最最最最最滿足,同開心...
而且"御宮"燈光柔和,座位亦算舒適...頗適合小情侶談心,知己聚舊談天說地亦不錯,只嫌近門口位不夠冷氣!!!
張貼
