NUTTEA (旺角中心第一座) (已結業)

之前其實黎過，但想飲嘅款售罄，所以無試到，今次黎到好彩終於試到雖然店鋪細細但選擇都好多，有茶，咖啡，奶類唔同類型嘅組合。呢到主打堅果奶，有時會有啲季節限定款。本身仲掙扎緊應該飲香芋定係牛油果，香芋售罄，所以一定係飲返上次想試嘅牛油果啦！佢嘅飲品可以自己揀甜度同埋啲冰嘅份量，不過有啲款式就限定左冇得調校冰量。我自己挑戰牛油果堅果奶，淡淡果香，唔好濟，幾清新，好易入口唔會好膩，揀左微糖甜度剛好！初時仲驚咁大杯會唔會好濟飲唔晒朋友就揀左芒果奶蓋，而家啱季節特別甜。奶蓋比例恰到好處，真係有新鮮果肉唔係糖水甜。佢嘅飲品有飽肚感，有小小的代餐嘅感覺。可能係用堅果奶，比起手搖飲品感覺健康啲。下次我都要試下奶蓋。