古早味澎湖台灣 (已結業)

自從公司離開紅磡之後，好耐都冇黎黃埔食飯啊！今晚約咗媽咪，一於帶佢去試吓台灣料理，有一款新體驗！室內裝修充滿漁村風情，店員服務親切有禮貌，寬闊的卡位坐得舒服。餐牌內容豐富，價錢親民！台式醬牛肉 $38先來一客小食，估唔到台式醬牛肉 味道辣得來好惹味，牛肉味濃郁結實有咬口。酥炸雞扒湯麵 $60台灣的雞扒妹夠晒出名，酥炸雞扒一樣出色，外皮香脆可口，外脆內軟，雞肉多汁，配搭湯麵食感覺一流。宜蘭蔥餡餅 $28餅仔細細，方便女士一口一個，台灣出名三星蔥，宜蘭蔥餡餅 的香蔥味特別濃郁，咬開有肉汁，豐富口感。綜合芋圓 $45最近做八折優惠，折扣後的$36 真係好抵食！配料有紅豆、綠豆、仙草、珍珠，重點主角係芋圓，番薯味和紫薯味最突出，顏色又豐富美艷，入口Q彈，我去台灣旅行必吃的甜品。黑糖珍珠奶茶 $22八折 後$18 真係想飲多兩杯，很正宗的台式風味，甜度適中，奶茶味道濃郁芳香。啤酒買二送一，留待下次跟老公來啤一啤。