呢間唐宮小聚之前都有食過一次, 不過係中環分店, 尖沙咀呢間就未試過,
聽講呢間有d係中環無既點心, 例如呢個包山就係得尖沙咀先有,
所以我今次就黎潮聖下
呢到環境比中環更大 , 坐得都好舒服, 岩哂放假一家大細黎飲茶!
我地去到即刻就叫左包山, 點知一黎到"咦 得5個包既,唔係話有個包山咩"
原來係叫左呢個包, 就可以借個迷你包山模型影相,
好彩佢唔係成個包山上, 如果唔係我都驚食唔哂
咁我地就試左個包先再借個迷你包山影相, 呃下like 哈哈
5個包上面印住 "型, 英, 帥, 靚, 正"好似象棋咁,好有創意
我就即刻拎左個靚,
因為岩岩蒸出黎, 熱辣辣, 個包好鬆軟, 佢入面包住青豆蓉, 甜度岩岩好, 食多舊都唔覺漏.
但呢個包山依家唔知仲有無了, 如果仲有, 我下次一定會再叫!
