TEA HUB (已結業)

同事話唔洗OT，即興約我同另一個同事去食Tea🤣點知滿心歡喜，最後好失望！我地點左個菜茶漬飯配桂花薑汁豆腐同茉莉綠茶蛋卷，前菜揀左伯爵茶薯蓉，黎到見到個茉莉綠茶蛋卷嚇一嚇，黑蚊蚊咁，好似燶左咁，食落無燶味，但勁硬勁實，唔知食緊乜😨😨個豆腐正常啲，但食唔到桂花味，得薑味，同埋食落好普通既煎豆腐走魚肉咁⋯⋯係伯爵茶薯蓉味道較突出，食到薯仔味帶出伯爵茶味。個茶唔夠熱，淋完上飯度食，都係凍既⋯⋯流心奶皇牛角包🥐切開完全唔流心，又勁細件，一啲都唔酥脆，勁無生氣既隔夜包咁，好難食！🤮🤮🤮窩夫又勁實，又唔脆，係上面舊培茶蛋糕較為好食啲。野飲都好唔掂，個DIY鮮奶抹茶🍵預先倒左水落個茶碗度，上過中村藤吉茶道班個時學過，茶唔會斟咁多，根本好難用茶筅打發，最後好多啲粉係底，要倒返啲奶落去再搞勻，同埋啲茶粉質素好差，睇色澤就知好劣質，一啲都唔翠綠，同埋根本無打唔起泡，飲落勁淡。藍花伯爵奶茶都係得個面靚，完全係水溝奶茶，淡到⋯⋯⋯睇色就知啲奶溝水咁好差！唔明點解咁多人讚🤢😰😓👎🏻👎🏻👎🏻重話以茶為主⋯⋯咁既質素真係好失望。