影片
更多
2023-01-12
1866 瀏覽
從未試過寫食評，但今次真係好差嘅用餐體驗。首先我哋係幫襯晚市7點，侍應帶我哋入一間可坐6人嘅房就坐。我哋兩個早到10分鐘、另外有pair人準時到、剩返嗰組人，其中一個大約遲10分鐘，而佢嘅朋友成7點半先就坐。就係因為兩位遲到客人，師傅遲咗開始上菜，中間有幾個字係四個準時嘅人冇野食，睇住師傅追進度，serve返兩名遲到客人。直至佢哋追完進度，師傅先開始上壽司，嗰時已經係7:56分（因為好肚餓，同埋真係好悶，所以我係咁留意時間），感覺成個上菜節奏亂晒。食物方面係above average但又未算好好食。唔好彩地，同行人士碗湯啲蜆肉有沙、我自己碗毛蟹蒸蛋亦食到有蟹殼…特別想comment係service同專業程度。首先，serve我哋嘅Ken師傅全程冇咩同客人交流，可能因為冇其他人幫佢手，每次放低食物就咁講完個名就行返入廚房再準備。我哋同另一組客人都有問吓佢有關魚料產地、做法嘅嘢，佢都係答幾個字就完。明白師傅可能想專心工作，但我哋都想了解下自己食緊嘅嘢。其次係侍應雖然有禮同勤力加茶，但唔知點解佢keep住企喺師傅個位度serve客，令佢要烏前個身先serve到，佢件西裝褸亦多次擦落處理魚生嘅
首先我哋係幫襯晚市7點，侍應帶我哋入一間可坐6人嘅房就坐。我哋兩個早到10分鐘、另外有pair人準時到、剩返嗰組人，其中一個大約遲10分鐘，而佢嘅朋友成7點半先就坐。就係因為兩位遲到客人，師傅遲咗開始上菜，中間有幾個字係四個準時嘅人冇野食，睇住師傅追進度，serve返兩名遲到客人。直至佢哋追完進度，師傅先開始上壽司，嗰時已經係7:56分（因為好肚餓，同埋真係好悶，所以我係咁留意時間），感覺成個上菜節奏亂晒。
食物方面係above average但又未算好好食。唔好彩地，同行人士碗湯啲蜆肉有沙、我自己碗毛蟹蒸蛋亦食到有蟹殼…
特別想comment係service同專業程度。首先，serve我哋嘅Ken師傅全程冇咩同客人交流，可能因為冇其他人幫佢手，每次放低食物就咁講完個名就行返入廚房再準備。我哋同另一組客人都有問吓佢有關魚料產地、做法嘅嘢，佢都係答幾個字就完。明白師傅可能想專心工作，但我哋都想了解下自己食緊嘅嘢。
其次係侍應雖然有禮同勤力加茶，但唔知點解佢keep住企喺師傅個位度serve客，令佢要烏前個身先serve到，佢件西裝褸亦多次擦落處理魚生嘅砧板上，感覺唔多衛生。
最離奇係，入廁所時，見到成個洗手盤滿滿嘅冰粒，即刻以為自己去咗茶餐廳…
期待咗呢餐好耐，結果真係好失望，絕對冇下次
張貼