魚眾不同酸菜魚 (紫荊樓) (已結業)

第一次食，應該都冇下次。叫咗個蕃茄牛肉同埋酸菜魚。會跟返兩款配菜同埋嘢飲。呢個價錢食呢個質素都真係幾慘。第一啖試咗個蕃茄湯先，蕃茄味幾濃，好香，但係食完個牛肉之後我有啲懷疑個湯底都只係香精嚟。肥牛嘅量係幾多嘅，不過好韌，重點係完全食唔到有咩味，總之就係如果你矇住眼食係唔會知道自己食緊乜，仲差過佳寶啲最cheap嘅肥牛。酸菜魚試咗少少，魚係用最平嘅鯰魚柳，食落冇問題嘅，入味，滑，份量都多，但係酸菜魚用鯰魚就真係太cheap。想試吓嘅朋友真係三思。