在panda 酒店樓上，地方好光猛又開陽，寬敞舒適的環境，唔會好吵！服務員唔錯，見有遊客問打邊爐的資料，佢好細心解釋；上菜及收碟都快手，無漏單情況，服務有禮！
坐下來就先選擇湯底（我們選了豬骨湯，好香濃又野味唔咸唔口渴）
我們點了豬、牛、羊肉；肉類好新鮮好軟腍，好有口感，豬肉好薄好易熟，肥瘦剛好；羊肉我喜歡，香羊味又唔硬唔羶
另外的火爐配料有紙點取，不同丸類，選擇多又特色！喜歡粟米流心丸及流芯芝士包，外面丸好彈牙、內面好香滑，不過就要小心燙口了
除了點紙外，還有自助式取蔬菜、菇類及瓜類；蔬菜都有4-5種選擇（菜芯、油墨菜、生菜、香菜、菠菜等）、菇類（冬菇、秀珍菇、木耳、雞肶菇等）；瓜類（南瓜、芋頭、冬瓜等等）
唔錯又乾淨
熱食、沙律及涼伴
有中華沙律、日本麻醬青瓜、八爪魚涼拌等，多選擇又唔差！
清酒煮蜆、黑松露粟米：唔會咸、清清的、我喜歡黑松露粟米，粟米好甜，但黑松露味唔重
炸物燒物
天婦羅、燒菠蘿、番薯、雞軟骨、
金菇牛肉卷等等，我們點了芝麻雞翼、紫芯香芋丸及榴槤炸彈
芝麻雞翼好脆唔會好油，雞肉唔乾身；紫心香芋丸好香好軟熟、甜甜芋頭芯，好美味
榴槤炸彈是榴槤迷必試的炸物，好香好多榴槤肉，外脆內香滑，熱熱即炸，超級推薦
刺身、壽司、卷物
我最近身體唔太好，要介一介刺身，但鄰坐客人點了很多，好新鮮的樣子！而我們唯有點一些熟的，都好多選擇喔！推薦芝士蝦卷（芝士好香濃蝦又彈牙）、帶子（好滑好軟）；細細粒，唔多飯，好適合讓客人試多種款式唔會太飽
甜品
是這裡其中的重點。多選又唔會太甜，試了抹茶扭紋雪糕、熱腐竹鵪春蛋糖水、榴槤甘露，都唔錯，可惜無試榴槤班戟，鄰坐的好似好大件
