Granville Island Hong Kong (已結業)

呢度酒吧咁既環境真系好正呀, 所以都有唔少外國人, 俾人一種好relax既感覺。芝士三重奏薄餅用左cheddar, parmesan同mozzarella, pizza芝士味夠哂香濃, 芝味滿分! 配埋蕃茄醬底, 食落juicy, 一啲都唔膩! 不過餅底乾身左啲, 唔夠軟熟, 邊位亦帶點韌走地雞雖然有啲貴, 不過系廚師推介又想試下。雞唔系好大隻, 皮薄到透光, 肉好嫩滑多汁, 連胸位都唔嚡, 鮮味就一般, 畢竟唔系新鮮雞吧。旁邊既粟米牛油味濃, 好香。嚟酒吧餐廳唔一定要飲酒既, 呢晚就乖乖飲茶, 伯爵茶有好清幽既茶香, 唔錯。呢度野食水準高, 我尤其鍾意個pizza, 而且氣氛好, 同朋友嚟chill下唔錯呢。