夜梟 (已結業)

今日放工突登同男朋友黎尖沙咀食fusion菜，一開始黎到餐廳以為去錯左地方，原來餐廳有分三餐，樓下係bar上面係用餐既地方~今次我地食左個龍蝦燒賣，東波肉，烤羊架同個炒飯。龍蝦燒賣除左賣相別緻，仲啖啖肉！味道有別於平時酒樓食開既燒賣，比較啖少少，但配上辣醬，別有一翻風味。至於個慢煮東波肉都好肥美厚實，而且蜜糖味好入味，外皮仲有少少烤焦，非常可口。上面既白色泡沫食落甜甜地，好彩有澀澀地既涼瓜中和下甜味，整體黎講都幾有特色。個烤羊架都係意外地好食，雖然肉質比較肥，但非常嫩滑，而且一d都唔韌，好易切開。反而個炒飯就較遜色，無咩蟹肉味，不過有芝士陪襯，再加上面頭d蛋白，令到炒飯不至於太淡，而且個燒帶子幾鮮甜，值得加分。