港原味 (已搬遷) 新店位置

今日同個朋友嚟咗大角咀食咗一間港式茶餐廳，依家唔係一般普通嘅茶餐廳，有好多好多唔同款嘅食物可以選擇，而我就選擇咗食佢嘅二人套餐($198) 有兩個小菜，兩個飯，兩碗湯，仲有個芝士蟹蓋，非常抵食！🍗避風塘炒牛肉用咗避風塘嘅方法嚟炒牛肉，味道辣辣地之餘又有脆卜卜嘅感覺，新潮得來又好食🍗土魷蒸肉餅土魷蒸肉餅唔使講，茶餐廳必點之作，又有土魷獨特嘅香味又有豬油香味🍗焗芝士蟹蓋套餐仲包左一個芝士蟹蓋，惹味嘅芝士混合煮蟹肉同埋蟹膏，非常好食，送飯一流🍗雪山紅豆冰(+$10)雪山紅豆冰係用左奶茶同埋紅豆做嘅紅豆冰，喺上面再加上一層口口嘅忌廉，奶茶濃郁得來又唔會太甜，唔錯