丸十寿司日本食堂 (已結業)

今日放工約左朋友食飯，由於大耐冇食過日本菜，行行下朗豪坊見到有間日本餐廳，就試試佢啦，結果果然冇去錯餐廳。餐廳環境非常有日本style，令我好似置身喺東京。我地首先叫左個豐州直送特上是日刺身拼盤，雖然要$368，但味道同出面啲omakase有得比，刺身非常新鮮，好有口感。之後仲叫左個丸十壽司拼盤，又係好新鮮，非常抵食。食完生野緊係要食熟食。我哋分別叫左個蝦味噌櫻花蝦烏冬同温泉玉子伴燒澳洲和牛丼。烏冬好彈牙，非常入味。和牛又係非常有牛味，牛肉汁滲哂入啲飯度，好好食。飲品方面叫左個巨峰梳打同柚子梳打，好重提子同柚子味，又係推薦。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概一千蚊。以咁高質素嘅食物黎講算係物超所值。所以整體黎講我對今餐嘅評分係9分！