極尚大喜屋 (加連威老道) (已結業)

又到放題時間啊，今次我哋揀咗呢間極尚大喜屋，我啲同事同埋朋友都推介我食呢一間，所以我哋都忍唔住拿拿臨book咗星期日食！今次去呢一間就係任飲任食嘅，臨尾嗰時仲會有一杯雪糕食！我哋book咗12點，去到嗰時排長龍勁多人，大陸人又有香港人又有，可能旅遊書都有介紹。好快就安排我哋入去坐啦，都幾有格調，我哋坐排位，啲位都尚算寬躺，坐得幾舒服。佢都有幾多嘢食，有我最愛食嘅刺身，有火炙壽司，飯、面，串燒等。一開始來的刺身，非常新鮮，佢啲三文魚係三文魚魚腩，件件都好大隻，啲帶子好鮮甜，而女朋友都話啲甜蝦隻隻都好好味。之後叫咗啲壽司，佢啲壽司好迷你，我覺得啱啱好個size ,佢啲飯係好細舊，反而啲刺身一啲都唔吝嗇，大大件，咁樣先至可以食多幾件唔同款，唔使食一兩舊就已經飽晒。之後我哋每樣都叫咗啲黎食，有粟米、袖子沙律、蟹子沙律、溫泉蛋、芝麻豆腐，個人比較欣賞佢個粟米，好甜好入味，到最後就係我最欣賞嘅焗帆立貝，佢隻隻帆立貝都好大隻，帶到成個半隻手掌咁大，勁誇張！我覺得呢一個係必食嘅！大家如果真係想嚟食嘅話，記住一定要book位，如果唔係未必可以即時安排到俾你入坐！