青悅 (已結業)

星期六同朋友去青衣城，本來已經想搵越南菜食，咁啱經過2 樓既時候見到呢一間越南菜。一入到去侍應好有禮貌咁安排左舒服嘅坐位比我地。之後我哋四人叫咗一個越南扎肉拼蝦餅酸菜凍檬、鮮蝦紮肉炒越南粉絲、蝦醬海鮮炒飯、馬拉盞炒翡翠苗和蒜茸牛油脆香雞中翼。食物上菜時已經驚嘆食物份量，好抵食。越南扎肉拼蝦餅酸菜凍檬配魚露酸酸甜甜好開胃，而且好大方有一大瓶魚露。另外鮮蝦紮肉炒越南粉絲抄得好惹味，有兩個好大既蝦，好滿足。由於同行有人不食通菜，我哋四人仲嘗試咗侍應推介的馬拉盞炒翡翠苗，果然食直落嘅感覺好新奇同埋新鮮，而且配馬拉盞整個菜都好好味。最後嗰個雞翼，小食簡直來講簡直一流，同行嘅人都好鍾意食蒜香，所以都好鍾意呢款雞翼。最後大家都食到好滿足咁樣離開，而且價錢合理，簡直係物超所值，會在再約朋友下次去！