金蘋果餐廳 (已結業)

係一條咁偏僻既街道入面，原來都有兩間餐廳! 全港皆知既太平館都係呢條街，蘋果餐廳似乎係樓上某賓館既指定西餐廳，估唔到咁夜都仲有人會入黎食!全場得兩2枱客，但係間餐廳就有好多staff serve我地幾個客人。成個餐牌有好多款餐，有咩英式、意式、法式什扒，其實都係將唔同既肉扒搭來搭去，我地叫左個英式什扒，除左一般既雞、牛扒、豬扒，竟然有塊鰻魚係度，騎呢。仲有佢乜野扒餐都會加隻太陽蛋，驚死你唔飽。另外叫左個咩鬼佬紅白飯，其實只不過係蕃茄飯+白汁飯，有d似喜宴臨尾上個d鴛鴦飯。兩份餐都包餐湯飲品，由湯、主菜、麵包都係Super size，一個餐夠3個女仔食! 味道只可以話係一般，如果d要體力勞動既人黎食我諗都要捧住個肚走。