影片
更多
2023-01-11
120 瀏覽
和牛燒肉一郎 📍佐敦佐敦道31-37號百誠大廈3樓📍銅鑼灣 將軍澳 荃灣━━━━━━━━━━━━━━━━━━━━━━━━━━━━雖然日本返嚟冇幾耐 但係好掛住日本和牛🐮 想食燒肉但又唔想再去牛角嗰啲 所以就試咗呢間睇落好好嘅和牛燒肉一郎😗餐廳有四款套餐 今次就揀咗course B $448 +10% (星期五至日or假日$498 +10%) 用餐時間120分鐘 而last order就90分鐘套餐有102款嘢食可以揀 分別有精選牛肉25款 牛肉刺身3款 日本豚肉6款 豚肉8款 雞肉4款 野菜8款 料理38款 另外仲有提供每檯一個嘅舟·盛合 & 桶·盛合餐廳係掃QR code落單 落單嘅嘢用新幹線智能送餐 好似壽司郎咁但係設計高級少少 都幾新奇㗎🤣另外自助bar都好豐富 會有各種自家製果茶 罐裝飲品 梳打水等 亦有多款沙律醬同燒肉汁 最深得我心嘅係有一個雪櫃嘅甜品 兩個雪櫃嘅日本雪條 仲有雪糕機同爆谷機整體嚟講 我覺得真係好好嘅體驗! 係值呢個價錢嘅! 我會揀幾個我覺得特別驚喜嘅位介紹~ ━━━━━━━━━━━━━━━━━━━━━━━━━━━━🐮🥇牛1st --- 極上厚切牛舌▶︎ Cou
📍佐敦佐敦道31-37號百誠大廈3樓
📍銅鑼灣 將軍澳 荃灣
━━━━━━━━━━━━━━━━━━━━━━━━━━━━
雖然日本返嚟冇幾耐 但係好掛住日本和牛🐮 想食燒肉但又唔想再去牛角嗰啲 所以就試咗呢間睇落好好嘅和牛燒肉一郎😗
餐廳有四款套餐 今次就揀咗course B $448 +10% (星期五至日or假日$498 +10%) 用餐時間120分鐘 而last order就90分鐘
套餐有102款嘢食可以揀 分別有精選牛肉25款 牛肉刺身3款 日本豚肉6款 豚肉8款 雞肉4款 野菜8款 料理38款 另外仲有提供每檯一個嘅舟·盛合 & 桶·盛合
餐廳係掃QR code落單 落單嘅嘢用新幹線智能送餐 好似壽司郎咁但係設計高級少少 都幾新奇㗎🤣
另外自助bar都好豐富 會有各種自家製果茶 罐裝飲品 梳打水等 亦有多款沙律醬同燒肉汁 最深得我心嘅係有一個雪櫃嘅甜品 兩個雪櫃嘅日本雪條 仲有雪糕機同爆谷機
整體嚟講 我覺得真係好好嘅體驗! 係值呢個價錢嘅! 我會揀幾個我覺得特別驚喜嘅位介紹~
━━━━━━━━━━━━━━━━━━━━━━━━━━━━
🐮🥇牛1st --- 極上厚切牛舌
▶︎ Course BCD 可以嗌 係厚切嘅牛舌
▶︎ 估唔到香港可以食到咁有質素嘅厚切牛舌! 牛舌厚切好滿足 係咬落會既有滿足感又彈牙爽脆嗰種 佢唔會有嗰種牛舌嘅騷味 所以都適合想試牛舌但驚騷嘅人🙊
好味指數:●●●●●
━━━━━━━━━━━━━━━━━━━━━━━━━━━━
🐮🥈牛2nd --- 大判壽喜燒牛里脊肉 配雞蛋
▶︎ Course BCD 可以嗌 係薄切嘅牛肉 配上特製嘅壽喜燒汁同溫泉蛋
▶︎ 薄切嘅牛肉紋理唔錯 雪花但冇好多肥膏 好快熟 有油香 肉質幾嫩
▶︎ 攞佢點個汁同蛋味道同口感上都有提升🆙
好味指數:●●●●◐
━━━━━━━━━━━━━━━━━━━━━━━━━━━━
🐮🥉牛3nd --- 特選拌生牛肉
▶︎ Course BCD 可以嗌 生菜包住生牛肉碎加上蛋黃 有少少似生牛肉他他嘅感覺
▶︎ 雖然冇特別調味 不過蛋冇腥味 加上肉都有牛味所以食落幾唔錯👍🏻
好味指數:●●●●◯
━━━━━━━━━━━━━━━━━━━━━━━━━━━━
🥘 料理1st --- 烤和牛卷
▶︎ Course BCD可以嗌 微微炙烤過嘅牛肉鋪係有忌廉芝士嘅壽司卷上面 再淋上醬汁
▶︎ 呢個真心好好味!! 壽司上面微暖下面就涼涼地 和牛炙烤過後嘅香 加上紫菜香 忌廉芝士嘅口感 微酸嘅壽司飯 鹹甜嘅醬汁 真係有啲驚艷😲
好味指數:●●●●●
━━━━━━━━━━━━━━━━━━━━━━━━━━━━
🍰 甜品
▶︎ 認真講句 我覺得呢度嘅甜品係我食過咁多邊爐or燒肉放題入面味道最好嘅
▶︎ 試曬五款甜品 個人覺得石板街 玉桂青蘋果芝士餅 焦糖布甸 同出面嘅甜品鋪水準差唔多以放題嚟講真係幾有誠意🤩
好味指數:●●●●◐
━━━━━━━━━━━━━━━━━━━━━━━━━━━━
🍦 雪糕
▶︎ 有不下十款雪糕 胃唔夠大所以未試曬 不過試嗰幾個都唔錯 而且有好多市面上都唔常見
▶︎ 呢度要特登講句 職員話可以將鯛魚燒嗰款雪糕擺落去燒 係好好味!! 外殼焦脆入面仲係凍冰冰 如果大家去都可以試吓!
好味指數:●●●●◯
━━━━━━━━━━━━━━━━━━━━━━━━━━━━
到訪日期: 1月頭 (晚餐)
快樂指數😋: ⑨③/①⓪⓪
性價比: 🌕🌕🌕🌑🌑
環境: 🟦🟦🟦🟦⬜️
服務分: 🔆🔆🔆🔆🔆
再訪意願: ❤️❤️❤️❤️🤍
━━━━━━━━━━━━━━━━━━━━━━━━━━━━
張貼
