丼吉日式吉列豬排專門店 (世貿中心)

營業中

休息中

此日本吉列店我聞名已久, 今晚終於食到喇, 以前都有去門口度裝o下裝o下, 都見有十幾人排隊等位, 但今晚7:15去到就有位, 叫左麵豉汁吉列豬柳定食, 及吉列炸豪定食+$25由麵豉湯轉麵豉雜菜湯, d飯質感ok, 吉列豬柳能保留內有肉汁, 真係好食, 吉列炸豪仲正…., 因本人鍾意食豪, 食得出d豪好新鮮, 炸得好有技巧, 伴碟的生菜絲都新鮮, 食吉列熱氣o野食番d菜中和番, 麵豉汁好好味, 用來撈飯好正, 攪到我添左共三碗白飯, 至於+$25轉的麵豉雜菜湯卻比普通麵豉湯味道差, 所以我下次去就唔會再加錢轉湯; 這店的service我也非常滿意, 有效率, 有禮貌, 夠醒目, 好勤力添茶, 見你飯碗空又主動問我添唔添飯, 食完的空碟空碗又會立即幫我拿走; 埋單大約$346(已加一), 女朋友請...yeah~~~! 所以”為食結論”係...吉列中o既極品!