炎天丼 (已結業)

尋晚放工同女朋友去左旺角食晚飯，諗住搵日本野食。去到女人街見到好多舖頭都冇咩人排隊，除左尼間餐廳出面好多番工一族等位。見佢新開張，跟著順手上網睇到原來總店係大埔，呢度係分店，於是就諗住試下~ 最後因為之前等位啲人走哂，所以等左25-30分鐘度終於入得。除左丼之外，佢都有咖喱飯揀，但話哂呢度出名食天婦羅，當然叫左個野菜丼、海鮮丼，追加左海膽同唐揚雞。野菜天婦羅十分出色，不油膩，而且菜十分新鮮、爽口juicy~ 海鮮丼相對普通，除左多左蝦同尤魚之外，其他配菜基本上同野菜丼差唔多。海鮮味道ok，但不太特別。海膽炸得幾好味，外脆內軟。唐揚雞就相對無咩特色同性格低啲，份量偏少但肉質都尚算嫩滑。反而個飯就幾特別，將糖心蛋督穿再撈埋佢特製天汁同seasoning又出乎意料之外好食。2個人最後食左二百幾蚊，晚餐黎講唔算貴，但食物選擇較少，而且座位好迫，所以試一次都無妨。