泰寮泰菜館 (已結業)

琴晚同老公兩個人去食, 因為老公話星期三全日八折,不過要等位，等左差不多二十分鐘，入到去即時比左兩杯熱茶我地，但我怕辣所以叫佢地比冰水我，跟住佢地就比左一籃蝦片我地，好好食，有小小辣，我同老公叫左一個二人套餐，有冬陰公、雞、蝦、蒜茸包，我地仲叫左個芋頭肉碎焗飯，因為聽人講話好好食，啲野黎得好快，啲waiter服務同態度都非常好，非常有禮貌，同成日講唔該，食物好味，好香，冬陰公好正又不太辣（好有泰國feel)，自從同老公去完泰國，我地都愛上飲冬陰公；蝦同雞也不錯，大大碟，最後食唔得晒，打包埋今日帶番公司食。值得推界！可以一試！