星海薈 (利舞臺廣場)

營業中

休息中

✨ 除咗西式、日式、韓式嘅美食，小妹都好中意去酒樓食下飯，飲下茶。今日小妹我就同老母去咗銅鑼灣譽宴食個飯。✨今次嗌咗佢地嘅晚餐之選，包括蒸海星斑、炸子雞同菜苗。✨ 蒸海星斑👧🏻 小妹最中意就係用蒸魚鼓油去撈飯食㗎啦🤤🤤 今次呢條蒸魚蒸得啱啱好，返開魚肉都無血紅色。而且肉質鮮嫩彈牙，魚骨比較少，好啱小妹我呢啲唔中意有骨嘅人🤣🤣。✨ 脆皮醬燒炸子雞 - 半隻👧🏻 佢地挑選嘅雞，脂肪唔會好多，肉嘅比例會較為多，好易飽肚。加上雞子雞嘅雞皮炸得好脆口，令到小妹我食極唔停。✨ 鮮茄海星浸菜苗👧🏻 佢地嘅菜苗小妹我特別喜歡，菜苗無咗嗰陣草青味，食落好爽口。加上除咗菜苖以外，仲加咗蕃茄、草菇等去調味，令到菜苗唔會更單調。