MOO MOO Plus (百德新街) (已結業)

今日約了朋友去銅鑼灣食lunch，見到四圍都好迫人，於是就過咗去百德新街嗰邊睇吓有咩食，結果搵咗一間令我和朋友都非常滿意的餐廳。芝士肉醬香辣薯條薯條熱騰騰，炸得香脆，芝士呈半熔絲，肉醬味濃，我認為係餐廳其中一項Signature的食物。銅鑼堡🍔漢堡包一共有五層，包括鵝肝、安格斯牛肉、芝士、蕃茄生菜，鵝肝入口即溶，牛肉好Juicy，就連麵包都香脆過人，再配自家秘製Moo Moo 醬，非常值得推介🌟！黑松露卡邦尼意大利粉黑松露味重，除了有煙肉、斑馬臣火腿、忌廉汁，還加入了我至愛的洋蔥、蒜蓉提味，口感不俗。除了食物之外，餐廳環境優美，店員的服務態度很好。