八月堂 (已結業)

無諗過牛角包可有咁多味道喎，第一次食嘅係佢有好多蔥嘅香蔥味噌鹹牛角包,的確好香蔥味，而且帶有一點點芝麻嘅香味，好香好脆口，可惜係一路食啲蔥一路跌落個紙袋度😂。到今次我試咗佢限定嘅味道紫薯，同我最愛嘅蘋果可頌（因為上次食過覺得蘋果爽口又唔太甜一粒粒蘋果襯埋牛角酥形成一脆一爽嘅感覺）相當欣賞，所以今次有咁多未選擇我都揀返蘋果味道。好彩係有人同我分一半，等多心嘅我可以試多幾款味道。仲有黃金流沙，甜嘅味道恰到好處。最緊要係佢花多凌亂嘅味道令人一試想再試