影片
更多
2010-02-27
15 瀏覽
本身定了上個月26號食,點知撞正星期二,cafe休息,唯有等一個月...今次男朋友係二日前book左星期五夜晚7點我地早到左,個陣6點9,所以就問老闆早左到可唔可以入去佢就話未得,7點正再番去就有位.........我地就係呢間商場行下坐下咁,終於捱過15mins,因為當日真係太攰去到時門口多左好多人等,有一對夫婦,應該係佢地先老闆想安排佢地坐近bar附近一張高台,問佢地肯唔肯,但個女人話唔制,唔要坐個到然後老闆見到我地,問都冇問我地就話:貴姓呀?入嚟啦!!!佢就安排我地坐高台位置...我就真係冇乜所謂,但男朋友唔多鍾意,但冇辦法啦!!!可能覺得我地係小朋友,唔會反抗啦,但我地又冇話唔坐,廢事煩我地先前已經睇左OR食評...睇下大約有乜食男朋友都決定食T bone($78),我就想食牛柳($68),但個個都話好少,我都怕唔飽首先今晚係南瓜湯,我本身唔鍾意南瓜,但飲落又幾好味,好creamy,好好飲!!!同本身一去到就會比個d條型餅,比埋d汁你點,幾好味男朋友話點湯仲好味.....我覺得點汁好味d然後T bone嚟到,真係好大塊,男朋友話其實唔多,係舊骨大舊我真係好怕佢唔飽.......
今次男朋友係二日前book左星期五夜晚7點
我地早到左,個陣6點9,所以就問老闆早左到可唔可以入去
佢就話未得,7點正再番去就有位.........
我地就係呢間商場行下坐下咁,終於捱過15mins,因為當日真係太攰
去到時門口多左好多人等,有一對夫婦,應該係佢地先
老闆想安排佢地坐近bar附近一張高台,問佢地肯唔肯,但個女人話唔制,唔要坐個到
然後老闆見到我地,問都冇問我地就話:貴姓呀?入嚟啦!!!
佢就安排我地坐高台位置...我就真係冇乜所謂,但男朋友唔多鍾意,但冇辦法啦!!!
可能覺得我地係小朋友,唔會反抗啦,但我地又冇話唔坐,廢事煩
我地先前已經睇左OR食評...睇下大約有乜食
男朋友都決定食T bone($78),我就想食牛柳($68),但個個都話好少,我都怕唔飽
首先今晚係南瓜湯,我本身唔鍾意南瓜,但飲落又幾好味,好creamy,好好飲!!!
同本身一去到就會比個d條型餅,比埋d汁你點,幾好味
男朋友話點湯仲好味.....我覺得點汁好味d
然後T bone嚟到,真係好大塊,男朋友話其實唔多,係舊骨大舊
我真係好怕佢唔飽............所以大家打算唔飽再嗌多個burger
後嚟我個個4安士牛柳嚟到,真係好細舊呀
但我個牛柳前食左男朋友一舊T bone,都幾好味
佢叫左5成熟,但我覺得仲熟過我個牛柳,因為我叫7成熟,但反而好多血水
但好在食落就唔算太生,然後就食我舊牛柳
結論係: 牛柳係比T bone好味
我地兩碟野下面都有d薯蓉,一片牛油果同一片唔知咩係到
個薯蓉要讚下,因為佢裹面間有一d硬d既薯蓉,所以食落感覺真係好好
個片唔知咩我食左兩啖,我覺得唔好味,到而家我都唔知咩嚟,好想知
最後就梗係叫朱古力飲...男朋友話真係好濃,佢話可能我遲飲,我覺得唔夠濃
我飲左幾啖冇飲,比哂男朋友飲......
食完兩個都飽哂,甜品,burger咩都唔洗再叫啦,已經飽哂
坐男朋友後面有一對外國人夫婦,我冇太留意佢地聽乜
但佢地其中一個生日,見老闆成日問佢地d野食點樣
而佢地都話好好味呀咁樣...之後老闆仲送左個甜品比佢地
係點左d火,有支野咁,好似煙花個d,跟住佢地勁開心講thank you...
個老闆都幾有心...但諗緊如果其他人生日佢會唔會送呢又?
見人地打食評話個老闆會問人d野食點樣呀咁...但佢又冇問我地
即使有人話佢問得幾求其呀,我都唔介意架,起碼有問,但都冇問我地
但又見到老闆會問其他人,問下老外呀一個熟客既男人,就係唔問我地!!!!!!
好失望.......其實係咪歧視我地呀?覺得我地係年青人,小朋友就覺得唔需要招呼我地?
我覺得應該要一視同仁,可能覺得我地消費能力冇成人咁高
希望老闆改善下啦...唔可以偏心架
環境方面,比想像上細得多,男朋友想坐出面,不過出面爆哂
入面黑蚊蚊,感覺幾浪漫,不過d人講野好大聲
服務方面,serve我地個個小女生態度好好,佢係服務態度係最好既一個,比老闆還要好
呢個價錢食到咁既水準,真係幾抵,我都想食多次,但我怕見到老闆就覺得唔開心喇
張貼
