La Bons Cafe (已結業)

真係好失望喎。成餐最好食係個餐包,我地點左個牛排6成,一個鵝肝意大利飯,心太軟伴雪糕。餐包好食,熱上同入口軟身。個牛排唔好食,伴碟D薯條炸得過火收哂水。鵝肝意大利飯,飯唔合格,都未煮淋,有食生米既感覺,鵝肝都幾好,個味唔錯。心太軟伴雪糕最難食,個面唔軟,入面既朱古力唔靚流唔到出黎 , 得個死甜,慘過用黎整情人節朱古力D朱古力,雪糕味道怪怪地。最浪費係個心太軟,食左2啖已經停哂手。