板長壽司 (已結業)

見到呢間成日好多人,等位下下都話等到百幾位,想一定好好味啦,唔係點會咁多人食,所以約埋朋友一試.我地order左三文魚壽司,帆立貝壽司,甜蝦.油甘魚.吞拿魚壽司,蟹子沙津.唔知點解,食落d三文魚好似有d怪怪,我叫個朋友試下,原來件三文魚係霉既,同個侍應講,佢就係咁攞走左就算,sorry都冇講.碟帆立貝就睇落唔錯,大大粒,好似好正,食落就一d鮮味都冇,得陣雪味!其他野就不過不失,我地三個人食左成$260,果碟霉既三文魚都要計錢,我朋友點都唔比果9蚊,個侍應仲要黑面話我地係食過就要計,終於搵反果個收我地碟野既侍應黎理論,個侍應話係碟野有問題,最後冇收我地果9蚊,唉,我地食左2百幾蚊,會唔會為左唔想比9 蚊搵人嘈呀???呢間我以後都唔會再黎,服務唔掂,食物唔掂,平又點,攪到好似好旺咁,但試過都唔敢再黎啦!