芝樂坊餐廳

呢間Cheesecake Factory聽講長時間需要等位，討厭等位的我，遲遲未有機會試吓，今日星期六遲咗起身，出到尖沙咀已經三點，未食午餐，見到門口只有幾個人等緊，所以等一陣就有位啦，終於有機會試下。兩個人叫左三款野食，已經飽到上心口，每款份量好大，餐湯好creamy，濃濃磨菇味，幾好飲，仲跟埋沙律。烤蒜雞肉蝴蝶粉，我超鍾意，好好味，充滿香濃的芝士味，加上煙肉同青豆一齊食好㚒，口感豐富。聽講呢到的cheesecake好出名，第一次黎食一定要試下。士多啤梨芝士蛋糕，果然唔錯，芝士味濃郁，食落口感幼滑。一件蛋糕的份量超大，食完真係好飽好滿足。