富山居 (裝修中)

難得見今日好天氣又係假期嘅關係，梗係唔想嘥咗一日嘅時間啦⌚️同老公出咗去屋企附近食Lunch，喺美食廣場見到間裝修好日本feel嘅餐廳，當然要試下啦。餐廳真係幾舒適，座位都好闊落，員工都幾Nice☺️我地點左$62 炭火燒牛扒伴珍珠飯配達米加燒肉汁同$52 十勝厚切吉列豬扒飯。食物一上枱，我同老公都驚訝左😮份量真係好多，特別係塊牛扒豬扒🥩🥩🥩炭火燒牛扒伴珍珠飯配達米加燒肉汁牛扒好香炭香，肉味好濃郁、肉質鬆軟多汁，彈牙煙韌既珍珠飯非常加分🍛十勝厚切吉列豬扒飯配咖喱汁豬扒厚身，炸得金黃，肉質鬆軟，帶點肥肉富油香，咖喱汁味濃又不失甜味，味道好有層次