更多
2020-03-23
2018 瀏覽
好耐無燒嘢食,今日放假就去玩下,呢個場夠哂空曠,爐與爐之間有足夠空間,唔會太迫,而且有個大草地可以比小朋友任跑任跳,呢度仲有啲特色房間,可以喺裏面唱卡拉OK或者打牌,如果蒙古包仲有得打桌球添!不過我哋人數唔夠就唯有坐出邊,佢有帳篷,太陽落雨都唔怕,夜晚仲可以打返開個帳篷觀星,環境好唔錯啊。至於食物方面,普通嘅丸、扒、雞翼等都應有盡有!仲有啲特別嘅選擇例如豆卜、雞軟骨等,而且仲可以每人有一件羊架或者豬仔比,兩樣都好味呀。配埋佢獨有既多款泰式醬料,有辣有唔辣任君選擇,真係唔錯。見門口仲有好多地方裝修緊,好奇問下負責人,原來嗰D位之後會租比人做市集和餐廳,相信過多一年呢個位應該好熱鬧
張貼