紅螞蟻 (已結業)

星期六晚上7 時許入座, 依然好多位, 之前星期日晚光顧過, 則很 full,  見很多一家有老有幼十人都安排到長桌共餐, 好不熱鬧。其實真係好過去酒樓食, 起碼多選擇, 各自選自己喜歡的吃, 不知幾開心, 而且價錢相宜, 單叫很多選擇, 加HK $33 便升級變餐, 包湯啦, 包啦及飲品, 另外亦有set dinner , 真係睇餐牌都有排睇。 十多年前, 我都有光顧「紅螞蟻」,  當時覺得是比較貴的, 但現在似乎行大眾化路線了, 平了很多, 而且選擇多了很多, 不斷改革是好事。 講番我的諾曼第豬排, 賣相唔錯, 有萍果及提子汁, 豬排口感又很軟熟, 都算有點特別, 幾開胃,  另外田鴨薄餅, 我都很喜歡, 很有吃片皮鴨的味道, 甜甜地的片皮鴨漿汁加蔥在厚薄適中的餅面, 味道很夾,  另外牛排則只是一般, 無咩特別。 要講下服務, 見服務員都很勤力, 而且都很主動, 我同老公先到, 入了內角卡位, 囝囡後到又在出面另開一桌坐下, 一位姐姐服務員聽見我們講電話, 主動幫我帶囝囡入嚟搵我,  很nice。 不過我唔喜歡服務員的制服, 手袖會掂到我們的食物, 我建議他們穿短袖。