八章軍 (啟岸) (已結業)

夜晚喺紅磡食完飯覺得未夠喉，仲有d口痕想食下野，但又怕肥唔想食甜品，於是揀咗比較冇咁heavy既章魚燒嚟食。章魚燒有十幾款可以揀，款款都好似唔錯咁，最後決定揀至尊蝦章軍同紫菜肉鬆將軍兩款口味。因為即叫即燒既關係，所以打開嚟食既時候仲係熱既。兩種章魚燒基本上每粒都幾飽滿，餡料落得都足。至尊蝦章軍既蝦咬落爽口，而且同醬汁既味道頗夾。紫菜肉鬆將軍咬落內裏軟熟，章魚亦煙韌，唔會成粒都係粉漿，所以味道唔錯。