王家沙．花樣年華 (K11 Musea) (已結業)

約老朋友食飯，大家都想食中菜。 相約去K11 Musea嘅王家沙．花樣年華，喺一樓轉咗兩個圈都唔見，原來要去MUSE EDITION嘅一樓，即係MoMA Design Store 隔嚟。行年輕路線，餐廳中間有櫻花樹裝飾，摩登別緻。只限K11 Musea店先有嘅「熱辣鍋特色系列」，當然要試吓。 有唔同湯底可選，我地鍾意酸辣口味，揀咗【泰式冬蔭功海中蝦】！廚師將每隻大蝦背部中分，去蝦腸，仲剪鬚剪眼，好細心，抵贊！湯底配料十足，我哋叫嘅大鍋仲有明火保温，可以慢慢嘆住鮮蝦同飲到熱辣辣嘅湯，下面仲有好多薯粉，滿分滋味！花樣年華嘅【招牌蟹粉小籠包】的確非常好食，皮薄，咬落去不單只肉汁多、 蟹粉滿，而且香味濃郁。醉嘉美雞細細份，用特色盛盅裝載，夠特色。 雞味濃厚，鮮滑香嫩，食完仲有一啲酒香餘韻。【鮮鳳梨生炒骨】菠蘿、青椒、紅椒同洋蔥，顏色鮮艷，賣相吸睛！生炒骨肉質嫩滑，外層帶點煙韌焦脆，配上菠蘿清新鮮味，極之爽口！【海鮮蟹肉炒飯】先係用咗墨魚汁同蟹肉撈飯再去炒，配料份量好多，有鮮菇、魷魚、大蝦、青口等，啖啖美味！最後甜品係【高力豆沙】，一口咬落去，全係磨得嫩滑清甜豆沙，豆沙不帶半點油膩，外層鬆軟。原